آخر الأخبار

دعاء فاروق ترد على هجوم متابعيها بنشر صور ابنتها

استنكرت الإعلامية المصرية دعاء فاروق ، هجوم البعض عليها بسبب نشرها لصور أولادها، “أنا مش هخبي أولادي، وأولادي معايا في كل المناسبات، ومن حقهم يتصوروا مع أمهم ويفرحوا معاها، ونسجل الذكريات دي”.

وقالت “فاروق”، خلال مداخلة هاتفية مع الإعلامي عمرو أديب، في برنامج “الحكاية”، المذاع عبر فضائية “mbc مصر”، “أنا بحترم كل الناس اللي بتابعني، وبرد على كل الناس، ومش حاسة إني من المشاهير ولا حاجة، وأنا ربنا كرمني وحطني في مكان كمذيعة، وبرد على كل الناس بشكل طبيعي

وقالت دعاء فاروق: “البعض بينتقد إن بنتي مش محجبة، مع أنها 15 سنة، وبيتكلموا على لبسها بشكل عيب، واتكلموا عليا وعلى لبسي،مش معنى اني شخصية عامة أني مشاع”.

وتابعت: “هنيجي عند الولاد وممنوع ننطق كلمة، ومحدش يقولي شكلها ولابسة كذا، وابنك ماله عامل كده ليه، وأنت ملبساهم بنطلونات مقطعة، ومش أنا اللي مقطعاها، والمحلات مليانة من البنطلونات دي، والموجود بنشتريه في حدود اللائق واللذيذ”.

وأضافت: “فوجئت إن الناس مركزة بشكل غريب معايا، وإني ممنوع اعمل أي حاجة طبيعية من اللي هما بيعملوها”.

التعليقات
الوسوم
اظهر المزيد

مقالات ذات صلة

زر الذهاب إلى الأعلى
إغلاق